「あたしメリーさん。今、あなたの後ろにいるの。」
東方深秘録
嘛，會講呢句係因為單純迷上咗森羅萬象呢個組織嘅歌。其實凋叶棕嘅御用歌姬めらみぽっぷ都有唱過森羅萬象啲歌架。
近況 #5
近況 - by LittPi
直至到而家都仲未更新呀 (眼神死)。
自從開始返工就基本上無乜時間搞自己嘅嘢。其實1.4準備推上Git，但係依然都係未推，而且連帶地剁咗好多嘢走。有啲係因為突然有新諗法所以想配合埋先再搞，有啲就因為力有不逮......無論點都好，應該真係呢幾日內就會推上去啦。當然，其實推唔推上去都係得我知，因為呢嚿嘢目前都係得我自己用啫。當然都係要提醒自己好啲。
另外拖咗好耐嘅嘢就係Vue.js基礎第三回。點解係叫基礎？因為我講嘅嘢都係啲容易俾新手上手嘅嘢。如果當中係涉及Vue-router呀Vuex嗰啲我都唔會話係基礎啦。講起Vue.js，我目前就整緊自家用嘅嘢。
Simple To-do List System.
其實就係好簡單嘅To-do List。出面啲編程教學除咗教你寫Hello World，另一樣嘢就係叫你試下整呢嚿嘢。不過我完全係因為工作需要，為咗方便自己去睇返有啲咩做同做過啲乜所以整出黎。基本上就係Laravel做底，前端就用Vue.js實作。
Vue components.
咁點解唔搞自己網頁？因為懶囉。
當然，公司電腦都唔少制肘，我盡量都唔會拎黎做自己啲私人嘢。至於呢嚿嘢，我用空餘時間整，所以都唔算犯規啦。
近況 #4
近況 - by LittPi
我仲未死架！
雖然有一堆嘢想寫出黎，尤其想介紹下Laravel Dusk呢嚿嘢，但係我仲卡喺更新1.4嘅嘢上面。最主要係我喺GitLab CI度用Laravel Dusk同Webdriver嘅時候卡關...
另外就係我終於有工返啦！以後網頁嘅更新應該會減緩咗，但係相對寫嘢嘅時間應該會多返啲(希望啦)。
目前長遠黎講有機會將成個網站重寫。唔係UI/UX層面上，而係內部嘅檔案架構之類嘅重寫。雖然已經熟習MVC嘅架構，但逐漸就想將學到嘅嘢再升高一級。嗯，呢個會放入To-do list啦。 (笑)
短期黎講應該就係搞掂完1.4之後就會開始將網誌嘅版面調整一次同功能再加強返啲。始終一開始寫嗰陣有好多嘢都未咁成熟，而家睇返有種「嗯...WTF have I done?」嘅感覺。
希望呢個月內可以搞掂個1.4。
近況 #3
近況 - by LittPi
停咗兩個星期無寫嘢，一來係又踏入咗慵懶期，二來係其實仲整緊CMS啲嘢，三來係搞緊見工嘢。
近況 #2
Half-moon, 心の箱, 系統, 近況 - by LittPi
有咩慘得過返一份頹到爛既工？
公司規模:
2位老闆
2個高層
1個司機
1個全職
3個兼職
先係走咗2個兼職，然後1個高層1個全職各自走黎同我講「我想唔撈」──明明我只係一個時薪50既送餐...Part-time ICT Officer。再黎就感受到司機成日發出既一陣慵懶同怨氣，等等...
原本係想留低既心態逐漸被消磨殆盡。 w