脫離更新伺服器嘅恐懼


phpMyAdmin終於都上到4.8。

話說因為前日Ubuntu 18.04出咗第一次Point release,我尋日就將伺服器由16.04上到18.04。不過唔知係咪因為Linode mirror關係,我都係要用sudo do-release-upgrade -d去強制佢用development version。因為之前由12.04 → 14.04同埋14.04 → 16.04嘅時候都有唔愉快經歷(?)導致要rebuild重做,亦因為咁所以我個舊版本網頁就消失咗...因此今次更新我都有少少驚。不過暫時黎講目前都無乜問題。

另外就係我終於更新咗phpMyAdmin上4.8。因為ppa:nijel/phpmyadmin個repository停留喺4.6版本,而開發者本身亦都未有時間去更新Ubuntu嘅repository,所以我就喺更新咗個Ubuntu版本之後就將舊版本刪除,並用佢目前Git嘅Stable版本。喺phpMyAdmin嘅入面你就會睇到你用緊嘅係乜嘢Git version。

伺服器更新公告


網頁伺服器將會於27-07-2018進行維護及更新。今次將會進行以下更新工作:

1. 作業系統更新。
2. 資料庫伺服器更新。

預計維護時間大約為一日。
------------------------------
其實我都唔想專登出一個post咁講,但奈何我未整返置頂公告位...嘛,總之就係咁了。

重新更新完成個網站


無錯,自從0℃の天空執左之後距離而家已經有差唔多一年(Wayback Machine顯示最後仲係舊版面既時候係十月...我當係十月先啦)。呢段時間大家如果留意到主網頁既話應該就係見到Laravel既初始安裝頁面,因為我而家學緊用Laravel去整網頁同埋應用程式(遺憾既係學習進度緩慢...),所以到而家先至有一個見得下人既版面出黎,仲要係只有Create Post功能...點都好,呢個係一個新開始。之後應該會努力啲去更新網站上面既野,包括我既portfolio。

呢一年我經歷左啲唔太好既野,亦都因為知道其實無咩人睇所以先咁放心寫係度。點都好,多謝我而家既女朋友為左我而忍受我好多好多無理取鬧或者臭脾氣,最重要係...忍受我係度做雙失。

好啦,首先要講既係網誌會改名做「泣雨家の物置小屋」,即係雜物房既日文名。雜物房始終都係適合用黎擺放唔同既野,所以我都唔介意將以前係Blogspot用過既網誌名搬返黎用,嘛本來就係我既野黎。亦正因如此,以後既網站更新、公告、網誌文章(當然啦...)、甚至係歌詞及翻譯都會直接放上網誌,唔會再特登分啲細section出黎,因為咁樣好煩之餘,功效都唔大。

慢慢會將之前係中二萌團同埋輔仁出過既野放返係度,當係備份又好,重新審視自己寫過既野都好,又或者單純想為呢度添加返啲野都好啦。

今後請多多指教。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

脫離更新伺服器嘅恐懼


phpMyAdmin終於都上到4.8。

話說因為前日Ubuntu 18.04出咗第一次Point release,我尋日就將伺服器由16.04上到18.04。不過唔知係咪因為Linode mirror關係,我都係要用sudo do-release-upgrade -d去強制佢用development version。因為之前由12.04 → 14.04同埋14.04 → 16.04嘅時候都有唔愉快經歷(?)導致要rebuild重做,亦因為咁所以我個舊版本網頁就消失咗...因此今次更新我都有少少驚。不過暫時黎講目前都無乜問題。

另外就係我終於更新咗phpMyAdmin上4.8。因為ppa:nijel/phpmyadmin個repository停留喺4.6版本,而開發者本身亦都未有時間去更新Ubuntu嘅repository,所以我就喺更新咗個Ubuntu版本之後就將舊版本刪除,並用佢目前Git嘅Stable版本。喺phpMyAdmin嘅入面你就會睇到你用緊嘅係乜嘢Git version。

伺服器更新公告


網頁伺服器將會於27-07-2018進行維護及更新。今次將會進行以下更新工作:

1. 作業系統更新。
2. 資料庫伺服器更新。

預計維護時間大約為一日。
------------------------------
其實我都唔想專登出一個post咁講,但奈何我未整返置頂公告位...嘛,總之就係咁了。

重新更新完成個網站


無錯,自從0℃の天空執左之後距離而家已經有差唔多一年(Wayback Machine顯示最後仲係舊版面既時候係十月...我當係十月先啦)。呢段時間大家如果留意到主網頁既話應該就係見到Laravel既初始安裝頁面,因為我而家學緊用Laravel去整網頁同埋應用程式(遺憾既係學習進度緩慢...),所以到而家先至有一個見得下人既版面出黎,仲要係只有Create Post功能...點都好,呢個係一個新開始。之後應該會努力啲去更新網站上面既野,包括我既portfolio。

呢一年我經歷左啲唔太好既野,亦都因為知道其實無咩人睇所以先咁放心寫係度。點都好,多謝我而家既女朋友為左我而忍受我好多好多無理取鬧或者臭脾氣,最重要係...忍受我係度做雙失。

好啦,首先要講既係網誌會改名做「泣雨家の物置小屋」,即係雜物房既日文名。雜物房始終都係適合用黎擺放唔同既野,所以我都唔介意將以前係Blogspot用過既網誌名搬返黎用,嘛本來就係我既野黎。亦正因如此,以後既網站更新、公告、網誌文章(當然啦...)、甚至係歌詞及翻譯都會直接放上網誌,唔會再特登分啲細section出黎,因為咁樣好煩之餘,功效都唔大。

慢慢會將之前係中二萌團同埋輔仁出過既野放返係度,當係備份又好,重新審視自己寫過既野都好,又或者單純想為呢度添加返啲野都好啦。

今後請多多指教。