無止盡嘅學習


「吾生也有涯,而知也無涯。以有涯隨無涯,殆已。已而為知者,殆而已矣。」

有時候會諗:到底一個programmer要有幾多知識同經驗先可以俾人叫做獨當一面呢?靈活運用自己熟識嘅語法?PR過或者deploy過OSS?喺一間公司(唔理大小)實際做過一個系統?我自己反而覺得,呢樣嘢應該係由心態開始睇起。
The Dunning-Kruger Effect.

近排應該唔少人睇過呢張圖,關於一個人對於自信呢回事嘅進程圖。對於我自己黎講,其實都形容得好貼切。

以前會覺得自己懷才不遇,覺得自己嘅能力可以屌打其他人。有時會諗「點解咁簡單嘅嘢要用咁愚蠢嘅方法去做」、「有必要搞到咁複雜咩?」、「我上司果然無乜做碼農嘅天份」等。呢個時期嘅我正處於上圖所講嘅愚昧之山上。

喺離職出黎做freelance同認識其他朋友後,開始覺得自己其實無想像中咁無所不能。懷疑自己嘅能力,對於同一個問題要再三對自己發問或者請教朋友最好嘅解決方法等,都令自己愈黎愈發覺自己嘅不足。坐井觀天嘅青蛙終於跳出咗個井,然後發現世界嘅廣闊,以及自己嘅渺小。正如圖中所示,呢種挫折感係好即時性,一嘢就將我拖咗入絕望山谷入面。

於是我睇書,亦都睇人哋嘅OSS。將所有可以學習嘅知識盡收己用。由於自己嘅愛好,由devOps到back-end再到front-end都有所涉獵。當然,無愛嘅話你係唔會對一樣嘢堅持咁耐。當你開始向他人提出自己嘅疑問並獲得良性嘅討論嗰陣,就正正係你開始可以獨當一面嘅時候。因為你有足夠嘅知識,亦開始累積返足夠嘅自信去將自己嘅見解講出黎。我覺得,咁樣好好。

於是回歸正題。我以上講嘅呢堆嘢到底同學習有咩關係?我個人覺得,雖然因應開發環境以及需要嘅唔同而唔能夠將所有開發例子都拉埋一齊一概而論,但係你仍然能夠喺書本或者他人嘅coding上睇到一個人嘅邏輯思維,而呢樣嘢係一個要進步嘅人所需要嘅因子。其中一個證據係,當你有所進步時,你睇返之前寫落嘅嘢會感嘆「點解我以前會咁寫?」然後就會衍生出想refactor嘅想法,除咗why仲包含how。

所以由今日開始,多睇多了解,帶領自己爬過The Dunning-Kruger Effect嘅前半段,成為一個可以為自己自豪嘅programmer都未嘗唔係一件好事?

Powered by Half-moon Production.

Copyright © 2011-2020 by 泣雨家的雜物房. Version 1.5.2.

無止盡嘅學習


「吾生也有涯,而知也無涯。以有涯隨無涯,殆已。已而為知者,殆而已矣。」

有時候會諗:到底一個programmer要有幾多知識同經驗先可以俾人叫做獨當一面呢?靈活運用自己熟識嘅語法?PR過或者deploy過OSS?喺一間公司(唔理大小)實際做過一個系統?我自己反而覺得,呢樣嘢應該係由心態開始睇起。
The Dunning-Kruger Effect.

近排應該唔少人睇過呢張圖,關於一個人對於自信呢回事嘅進程圖。對於我自己黎講,其實都形容得好貼切。

以前會覺得自己懷才不遇,覺得自己嘅能力可以屌打其他人。有時會諗「點解咁簡單嘅嘢要用咁愚蠢嘅方法去做」、「有必要搞到咁複雜咩?」、「我上司果然無乜做碼農嘅天份」等。呢個時期嘅我正處於上圖所講嘅愚昧之山上。

喺離職出黎做freelance同認識其他朋友後,開始覺得自己其實無想像中咁無所不能。懷疑自己嘅能力,對於同一個問題要再三對自己發問或者請教朋友最好嘅解決方法等,都令自己愈黎愈發覺自己嘅不足。坐井觀天嘅青蛙終於跳出咗個井,然後發現世界嘅廣闊,以及自己嘅渺小。正如圖中所示,呢種挫折感係好即時性,一嘢就將我拖咗入絕望山谷入面。

於是我睇書,亦都睇人哋嘅OSS。將所有可以學習嘅知識盡收己用。由於自己嘅愛好,由devOps到back-end再到front-end都有所涉獵。當然,無愛嘅話你係唔會對一樣嘢堅持咁耐。當你開始向他人提出自己嘅疑問並獲得良性嘅討論嗰陣,就正正係你開始可以獨當一面嘅時候。因為你有足夠嘅知識,亦開始累積返足夠嘅自信去將自己嘅見解講出黎。我覺得,咁樣好好。

於是回歸正題。我以上講嘅呢堆嘢到底同學習有咩關係?我個人覺得,雖然因應開發環境以及需要嘅唔同而唔能夠將所有開發例子都拉埋一齊一概而論,但係你仍然能夠喺書本或者他人嘅coding上睇到一個人嘅邏輯思維,而呢樣嘢係一個要進步嘅人所需要嘅因子。其中一個證據係,當你有所進步時,你睇返之前寫落嘅嘢會感嘆「點解我以前會咁寫?」然後就會衍生出想refactor嘅想法,除咗why仲包含how。

所以由今日開始,多睇多了解,帶領自己爬過The Dunning-Kruger Effect嘅前半段,成為一個可以為自己自豪嘅programmer都未嘗唔係一件好事?