萌團年度番評 - 《命運石之門 0》


命運石之門 0

この世界は非現実。ただ吸い込まれたビジョン。」歌詞短短兩句已經導出咗命運石之門0嘅故事線。

命運石之門0(S;G0,下同)為2018年春番,於4月11日開始放送,共23集(+1 OVA)。係講述岡部倫太郎無法拯救牧瀨紅莉栖後,活喺β世界線嘅故事。為廣播劇《無限遠点のアークライト》(無限遠點的弧光)及小說三部曲閉時曲線のエピグラフ》(閉時曲線的碑文)、永劫回帰のパンドラ》(永劫回歸的潘朵拉)、無限遠点のアルタイル》(無限遠點的牽牛星)編成嘅S;G0遊戲,三年後再改編為動畫。


故事時間起始點。

承接住2015年重播嘅一期第23話劇情,故事走入β世界線。呢條並唔係咩「如果嘟嘟嚕無摑醒岡倫」嘅if線,而係應該作為類似前傳嘅形式出現,為15年後嘅Operation Skuld作鋪排。整體動畫氛圍雖然都有愉快或者搞笑嘅場景,但比起一期故事黎講明顯係嚴肅咗。作為主角嘅岡倫因為世界線收束而無法拯救助手,最後選擇生活並維護呢個犧牲咗助手以成全嘟嘟嚕嘅世界。


當然,選擇歸選擇,心理創傷係無可能話好返就好返。故事由12月10日開始,即係助手死亡差唔多五個月左右,岡倫依然需要睇心理醫生同埋食精神科藥物;長時間唔返實驗室避免觸景傷情;喺同學聚會上得到演講傳單,見到助手曾經讀過嘅大學嘅名就會回想返助手遇害情景等。如果話一期動畫嘅佢矚目而發光發亮嘅話,二期嘅佢就係陰沉而失去焦點。


失去助手嘅痛苦化為尋找命運石之門嘅原動力。

個人認為,動畫喺表現岡倫精神問題上做得幾好。尤其係當岡倫接觸到Amadeus後,由初期嘅迴避及抗拒到慢慢對佢產生依賴性,再到真帆直球咁提醒佢「呢個並唔係真係紅莉栖」後嘅崩潰等,塑造出「岡倫就係無辦法放低助手」嘅感覺。喺一部結尾,岡倫收到15年後嘅D-movie,15年後嘅岡倫話「嗰份痛苦俾咗執念我,所以我唔能夠當咩事都無發生過」,完全就道出咗呢15年加埋之前時間跳躍嘅時間內心所受嘅煎熬有幾大。

OVA 結晶多形的瓦倫丁

另外,二期亦都加入咗好多新角色。比如嘟嘟嚕嘅cosplay好友們、桶子嘅未來老婆、助手喺美國就讀大學嘅教授及前輩等。上至主役甚至惡役,下至唔太影響劇情嘅角色,都令人感覺印象鮮明,唔會令人容易忘記。而且故事亦嘗試由唔同角色去帶出一啲β世界線嘅背景故事或者推動劇情發展,比如話吹雪嘅新型腦炎、楓對於音樂嘅認識等。仲有原本喺α世界線係Rounder成員嘅Mr.布朗以及萌郁,原本我以為重要性應該唔會太高嘅情況下,出場次數依然比我想像中多。


不過,畢竟佢係由遊戲改編而成嘅動畫,而且要囊括返咁多條世界線所交代緊嘅嘢,喺劇情描述方面就略顯不足。比如話最終黑幕喺成套動畫嘅出場率有啲低,甚至唔明點解佢會係最終黑幕;關於篝空白咗嘅10年亦交代得唔夠清晰;喺岡倫崩潰途中嘅世界線轉移嘅前因後果,甚至過程都只係用咗幾分鐘時間帶過,令人摸不著頭腦等。雖然有呢啲美中不足嘅地方,但無疑對於我黎講,S;G0會係我一睇再睇嘅選擇。

如果動畫上有地方睇唔明,可以去Youtube搵下Drama CD又或者睇晒小說三部曲等,甚至可以去Steam買返隻遊戲黎玩下。相信呢啲一定會補足返各位唔明嘅地方。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

萌團年度番評 - 《命運石之門 0》


命運石之門 0

この世界は非現実。ただ吸い込まれたビジョン。」歌詞短短兩句已經導出咗命運石之門0嘅故事線。

命運石之門0(S;G0,下同)為2018年春番,於4月11日開始放送,共23集(+1 OVA)。係講述岡部倫太郎無法拯救牧瀨紅莉栖後,活喺β世界線嘅故事。為廣播劇《無限遠点のアークライト》(無限遠點的弧光)及小說三部曲閉時曲線のエピグラフ》(閉時曲線的碑文)、永劫回帰のパンドラ》(永劫回歸的潘朵拉)、無限遠点のアルタイル》(無限遠點的牽牛星)編成嘅S;G0遊戲,三年後再改編為動畫。


故事時間起始點。

承接住2015年重播嘅一期第23話劇情,故事走入β世界線。呢條並唔係咩「如果嘟嘟嚕無摑醒岡倫」嘅if線,而係應該作為類似前傳嘅形式出現,為15年後嘅Operation Skuld作鋪排。整體動畫氛圍雖然都有愉快或者搞笑嘅場景,但比起一期故事黎講明顯係嚴肅咗。作為主角嘅岡倫因為世界線收束而無法拯救助手,最後選擇生活並維護呢個犧牲咗助手以成全嘟嘟嚕嘅世界。


當然,選擇歸選擇,心理創傷係無可能話好返就好返。故事由12月10日開始,即係助手死亡差唔多五個月左右,岡倫依然需要睇心理醫生同埋食精神科藥物;長時間唔返實驗室避免觸景傷情;喺同學聚會上得到演講傳單,見到助手曾經讀過嘅大學嘅名就會回想返助手遇害情景等。如果話一期動畫嘅佢矚目而發光發亮嘅話,二期嘅佢就係陰沉而失去焦點。


失去助手嘅痛苦化為尋找命運石之門嘅原動力。

個人認為,動畫喺表現岡倫精神問題上做得幾好。尤其係當岡倫接觸到Amadeus後,由初期嘅迴避及抗拒到慢慢對佢產生依賴性,再到真帆直球咁提醒佢「呢個並唔係真係紅莉栖」後嘅崩潰等,塑造出「岡倫就係無辦法放低助手」嘅感覺。喺一部結尾,岡倫收到15年後嘅D-movie,15年後嘅岡倫話「嗰份痛苦俾咗執念我,所以我唔能夠當咩事都無發生過」,完全就道出咗呢15年加埋之前時間跳躍嘅時間內心所受嘅煎熬有幾大。

OVA 結晶多形的瓦倫丁

另外,二期亦都加入咗好多新角色。比如嘟嘟嚕嘅cosplay好友們、桶子嘅未來老婆、助手喺美國就讀大學嘅教授及前輩等。上至主役甚至惡役,下至唔太影響劇情嘅角色,都令人感覺印象鮮明,唔會令人容易忘記。而且故事亦嘗試由唔同角色去帶出一啲β世界線嘅背景故事或者推動劇情發展,比如話吹雪嘅新型腦炎、楓對於音樂嘅認識等。仲有原本喺α世界線係Rounder成員嘅Mr.布朗以及萌郁,原本我以為重要性應該唔會太高嘅情況下,出場次數依然比我想像中多。


不過,畢竟佢係由遊戲改編而成嘅動畫,而且要囊括返咁多條世界線所交代緊嘅嘢,喺劇情描述方面就略顯不足。比如話最終黑幕喺成套動畫嘅出場率有啲低,甚至唔明點解佢會係最終黑幕;關於篝空白咗嘅10年亦交代得唔夠清晰;喺岡倫崩潰途中嘅世界線轉移嘅前因後果,甚至過程都只係用咗幾分鐘時間帶過,令人摸不著頭腦等。雖然有呢啲美中不足嘅地方,但無疑對於我黎講,S;G0會係我一睇再睇嘅選擇。

如果動畫上有地方睇唔明,可以去Youtube搵下Drama CD又或者睇晒小說三部曲等,甚至可以去Steam買返隻遊戲黎玩下。相信呢啲一定會補足返各位唔明嘅地方。