年末整理



雖然話你要檢視自己係邊一日都得,但係年末似乎係最容易去歸納嘅日子。
嘛,首先要承認嘅係自己懶咗呢個事實。1.5版本其實已經搬走咗好多Javascript嘅更新落2.0度,但係剩返嘅SEO調整居然拖到而家都未做。然後本來今個月諗住出幾篇喺職場上遇到嘅問題,但係亦都因為槽點太多以及工作多咗其他嘢做同埋追動畫所以無寫到......有關嘅嘢明年一定會開始寫架!

上半年可以有多啲時間去更新網頁、網誌內容等,畢竟當時仲係無業嘛。不過嗰陣一股勁咁去衝,有啲位其實諗得唔夠周詳亦都研讀得唔夠深入。而家咁樣「稍為拉返開一啲距離」,都見到有唔少地方可以再改善多啲。明年要更新網誌同後台嗰陣亦都諗住去朝住自己嘅諗法以及實踐返呢年學到嘅嘢落去。比如話將Bootstrap換做Tailwind CSS、全面使用Vuejs等。至於網誌前台本身依然唔會實現完全嘅前後端分離,但後台應該會咁做。

Laravelconf Taiwan 2018首頁。

另外係,如果來年有多餘嘅時間的話就要試下去台灣等地方。Laravel道場主辦嘅Laravelconf Taiwan一直都想參加,而來年我似乎可以利用部份AL過去台灣見識下。

今年令我改變得最多嘅,大概係接受到strong type嘅programming language吧?公司本身係M$做主導嘅關係,基本上我都係逃離唔到寫VBScript同埋C#嘅命運。前者萬變不離其宗;後者就真係挑戰。我估我之後都會嘗試下用C#寫下唔同嘅console或者desktop program。嘛,不過除咗C#之外,我都仲諗住去學Javascript嘅Electronjs黎寫下輕量化嘅desktop apps嘅。

最後就......希望下年我可以寫返多啲嘢啦。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

年末整理



雖然話你要檢視自己係邊一日都得,但係年末似乎係最容易去歸納嘅日子。
嘛,首先要承認嘅係自己懶咗呢個事實。1.5版本其實已經搬走咗好多Javascript嘅更新落2.0度,但係剩返嘅SEO調整居然拖到而家都未做。然後本來今個月諗住出幾篇喺職場上遇到嘅問題,但係亦都因為槽點太多以及工作多咗其他嘢做同埋追動畫所以無寫到......有關嘅嘢明年一定會開始寫架!

上半年可以有多啲時間去更新網頁、網誌內容等,畢竟當時仲係無業嘛。不過嗰陣一股勁咁去衝,有啲位其實諗得唔夠周詳亦都研讀得唔夠深入。而家咁樣「稍為拉返開一啲距離」,都見到有唔少地方可以再改善多啲。明年要更新網誌同後台嗰陣亦都諗住去朝住自己嘅諗法以及實踐返呢年學到嘅嘢落去。比如話將Bootstrap換做Tailwind CSS、全面使用Vuejs等。至於網誌前台本身依然唔會實現完全嘅前後端分離,但後台應該會咁做。

Laravelconf Taiwan 2018首頁。

另外係,如果來年有多餘嘅時間的話就要試下去台灣等地方。Laravel道場主辦嘅Laravelconf Taiwan一直都想參加,而來年我似乎可以利用部份AL過去台灣見識下。

今年令我改變得最多嘅,大概係接受到strong type嘅programming language吧?公司本身係M$做主導嘅關係,基本上我都係逃離唔到寫VBScript同埋C#嘅命運。前者萬變不離其宗;後者就真係挑戰。我估我之後都會嘗試下用C#寫下唔同嘅console或者desktop program。嘛,不過除咗C#之外,我都仲諗住去學Javascript嘅Electronjs黎寫下輕量化嘅desktop apps嘅。

最後就......希望下年我可以寫返多啲嘢啦。