新一年新氣象從來都只係呃自己既句式


整左個網誌結果又同以前一樣唔係成日更新,其實都係正常既......正常發揮啦。
因為要係萌團出一篇今年萌團既上年度番評,所以就順便放上呢度更新。今年我揀左《咕嚕咕嚕魔法陣》,除左係因為童年回憶外,亦都對近年動畫製作縮皮感慨。如果呢套野本身唔係集體回憶既話,其實可能早就作畫崩潰,甚至乎斬得不似人形......嘛,無可否認既係,佢尾幾集的確有少少畫崩,而且剪走好多有趣味性既位。如果作為交代劇情,佢係合格既,但同時你亦都會覺得好似少左啲野......無左某種感覺。好彩既係,最後個集仁傑用歌莉既眼淚整水之劍出黎攻擊魔王紀力呢個位仲係度,呢個可以話係感動位之一。

另一個感動位係佢有出到雷夫島篇。嘛,故事交代黎講算係完整,但當然少左預言石板老頭......畢竟係唔重要既角色嘛。

有時候睇到某類既動畫或者漫畫,就會諗到自己。或者係推動自己既助力,亦都可能係令自己意志消沉。無論點都好,都總有一種「新一年新氣象」式既感覺係度用動漫既形式表現出黎,但自己亦都知道其實呢一切都只係自說自話。真正要行動既話應該唔駛等一年之始。從來,機會都係自己爭取,未到就努力裝備自己然後再捉緊,但自己活到快要30年都未有獲得任何成就,庸庸碌碌地過左,有時就會覺得......有些微既後悔。當然,咁多年認識咁多朋友唔係白費既,呢點我從來都無後悔過。

嘛,會寫呢篇黎做開頭,都算係新一年開始......吧?希望呢篇能夠成為契機啦。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

新一年新氣象從來都只係呃自己既句式


整左個網誌結果又同以前一樣唔係成日更新,其實都係正常既......正常發揮啦。
因為要係萌團出一篇今年萌團既上年度番評,所以就順便放上呢度更新。今年我揀左《咕嚕咕嚕魔法陣》,除左係因為童年回憶外,亦都對近年動畫製作縮皮感慨。如果呢套野本身唔係集體回憶既話,其實可能早就作畫崩潰,甚至乎斬得不似人形......嘛,無可否認既係,佢尾幾集的確有少少畫崩,而且剪走好多有趣味性既位。如果作為交代劇情,佢係合格既,但同時你亦都會覺得好似少左啲野......無左某種感覺。好彩既係,最後個集仁傑用歌莉既眼淚整水之劍出黎攻擊魔王紀力呢個位仲係度,呢個可以話係感動位之一。

另一個感動位係佢有出到雷夫島篇。嘛,故事交代黎講算係完整,但當然少左預言石板老頭......畢竟係唔重要既角色嘛。

有時候睇到某類既動畫或者漫畫,就會諗到自己。或者係推動自己既助力,亦都可能係令自己意志消沉。無論點都好,都總有一種「新一年新氣象」式既感覺係度用動漫既形式表現出黎,但自己亦都知道其實呢一切都只係自說自話。真正要行動既話應該唔駛等一年之始。從來,機會都係自己爭取,未到就努力裝備自己然後再捉緊,但自己活到快要30年都未有獲得任何成就,庸庸碌碌地過左,有時就會覺得......有些微既後悔。當然,咁多年認識咁多朋友唔係白費既,呢點我從來都無後悔過。

嘛,會寫呢篇黎做開頭,都算係新一年開始......吧?希望呢篇能夠成為契機啦。