近況 #8


成個網站嘅JS將會重寫。

嘛,終於將呢樣嘢排程咗。雖然本來就諗住喺1.5嘅版本開始慢慢轉去用Vue,但係一諗到會同我而家做緊嘅嘢撞晒就一路喺度向後推遲啲時間。最後決定,都係拖到2.0就一鑊過搞啦。
踏入十一月,幾件事啦。首先係我終於都到咗三十而立嘅年紀。今年好似特別受人關照,我嘅她送咗隻Apple Watch俾我,完全係喜出望外,因為佢真係好憎Apple;十幾年嘅兄弟送咗對藍芽耳機俾我,我終於都要踏入無線領域(?)啦;呢排成日約埋篤波睇戲嘅女性...男性朋友都送咗隻紫大人嘅黏土俾我。多謝佢哋對我嘅厚愛。

早幾日去咗公司註冊處搞個人帳戶。嘛,無數碼證書要親身上門登記呢下係麻煩嘅,仲要麻煩埋她陪我上去搞登記。不過之後應該會開始接返多啲生意黎做。當然,目前in-house嘅工作應該唔會放棄住,畢竟係穩定收入來源嘛。

講起in-house,喺 近況 #7 提過我而家搞緊AI嘢要做data analyze。結果今日我向老細講想專心做返development嘅嘢。

Anaconda - Jupyter Notebook。

呢樣嘢亦係我今次出文想講嘅嘢。其實我自己係個唔鍾意認輸嘅人。以前曾經試過因為停咗年幾兩年無做嘢,出返黎搵工好多時都見唔成。當年嘅我會覺得係懷才不遇,覺得係啲公司守舊等等。當然而家已經無呢個諗法,但唔否認係因為自己唔肯認輸嘅性格令我產生呢種諗法。而今次同老細講唔想再做analysis嘅嘢,某程度上都係認咗自己做唔黎。不過,呢種都係一種自知之明。我唔係無試過去做,但係當你嘅工作進度同兩三個星期前一樣毫無進展,就要諗下係咪自己唔適合做呢方面嘅工作。勇於承認自己嘅不足,都係一種學習黎。

而家?我等緊新工作嘅安排。既然係咁,我又忙下其他嘢先。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

近況 #8


成個網站嘅JS將會重寫。

嘛,終於將呢樣嘢排程咗。雖然本來就諗住喺1.5嘅版本開始慢慢轉去用Vue,但係一諗到會同我而家做緊嘅嘢撞晒就一路喺度向後推遲啲時間。最後決定,都係拖到2.0就一鑊過搞啦。
踏入十一月,幾件事啦。首先係我終於都到咗三十而立嘅年紀。今年好似特別受人關照,我嘅她送咗隻Apple Watch俾我,完全係喜出望外,因為佢真係好憎Apple;十幾年嘅兄弟送咗對藍芽耳機俾我,我終於都要踏入無線領域(?)啦;呢排成日約埋篤波睇戲嘅女性...男性朋友都送咗隻紫大人嘅黏土俾我。多謝佢哋對我嘅厚愛。

早幾日去咗公司註冊處搞個人帳戶。嘛,無數碼證書要親身上門登記呢下係麻煩嘅,仲要麻煩埋她陪我上去搞登記。不過之後應該會開始接返多啲生意黎做。當然,目前in-house嘅工作應該唔會放棄住,畢竟係穩定收入來源嘛。

講起in-house,喺 近況 #7 提過我而家搞緊AI嘢要做data analyze。結果今日我向老細講想專心做返development嘅嘢。

Anaconda - Jupyter Notebook。

呢樣嘢亦係我今次出文想講嘅嘢。其實我自己係個唔鍾意認輸嘅人。以前曾經試過因為停咗年幾兩年無做嘢,出返黎搵工好多時都見唔成。當年嘅我會覺得係懷才不遇,覺得係啲公司守舊等等。當然而家已經無呢個諗法,但唔否認係因為自己唔肯認輸嘅性格令我產生呢種諗法。而今次同老細講唔想再做analysis嘅嘢,某程度上都係認咗自己做唔黎。不過,呢種都係一種自知之明。我唔係無試過去做,但係當你嘅工作進度同兩三個星期前一樣毫無進展,就要諗下係咪自己唔適合做呢方面嘅工作。勇於承認自己嘅不足,都係一種學習黎。

而家?我等緊新工作嘅安排。既然係咁,我又忙下其他嘢先。