我所認知嘅Javascript進化史


呢篇係講我所見識到嘅Javascript進化史。唔會講佢嗰啲ECMAScript由1到7嘅進化史,而係我所認知嘅,網頁效果到而家近乎無所不能嘅Javascript。

講緊呢個嘢都有十年以上歷史...

時間回溯到第一次瀏覽器大戰嗰陣。代表微軟嘅瀏覽器Internet Explorer,同網景嘅Netscape Navigator正喺開始當時仲係「新世界」嘅互聯網市場爭緊一席之長短。當然,除咗瀏覽器之間嘅比拼,我哋呢班對互聯網感到濃厚興趣嘅學生哥亦都好積極開發網頁。為興趣,為學校,為朋友,我哋寫網頁,整討論區,寫留言板。
當時CSS仲未成熟,而Javascript (IE嘅叫JScript,係兩樣嘢黎,但本質都係ECMAScript)亦都因為瀏覽器競爭關係而無一個統一嘅標準。喺網頁上可以做到閃亮奪目效果嘅話就贏啦!於是,各款各樣嘅瀏覽器專用JS又或者HTML標籤就橫空出世。

當然,佢哋都唔再受到支援。

好多嘅HTML已經成為咗歷史嘅一部份。

不過當年的確有好多以而家嘅角度黎講覺得有啲不可思議嘅嘢,好似鼠標後跟住堆字、閃字、scroll bar轉色整幼之類。有啲之後變成咗CSS嘅標準,而有啲就變成咗歷史。會變成歷史唔係無原因架,當中有部份原因就係因為安全性。比如話以前好出名嘅Alert Bomb / Fork Bomb就係其中一個例子:利用alert()彈出時無辦法熄瀏覽器嘅狀況,用while loop無間斷地不斷彈alert box出黎,令你只能夠靠Ctrl + Alt + Del去強制熄咗個瀏覽器。當中再衍生出Popup window不斷彈出嘅版本......

要講嘅話實在有好多。不過以前嘅Javascript的確係以網頁特效為主,而唔會著重喺其他方面嘅要素度。我覺得,Javascript以至於ECMAScript而家廣泛到咁多人去學去寫,主要係有三個里程碑。

即使AJAX唔係jQuery本身嘅標準,無可否認AJAX係jQuery成為當時最受歡迎嘅原因。

第一個里程碑係jQuery嘅興起。喺jQuery - 時代嘅眼淚入面(又黎...),都有解釋過jQuery當時係賦予咗幾多方便俾網頁開發者:DOM嘅操作、AJAX功能等。尤其係AJAX功能,喺崇尚只重新載入部份資料嘅當時黎講,簡直係福音。當年Vanilla Javascript嘅AJAX call要設定一大堆嘢,而且亦難以理解;相對之下jQuery嘅$.ajax(),本身已經設定好諸如header等嘅基本設定,而你只需要將endpoint位置、資料、成功獲得回傳資料後做嘅動作整返好就搞掂。咁樣比較,當然jQuery更勝一籌。

不過jQuery只係顯示咗Javascript喺前端嘅可能性。真正將佢發揚光大嘅就係第二個里程碑。

圖片來源: freeCodeCamp

嘛,我相信呢個里程碑應該唔會有任何人有異議。Nodejs令到Javascript實現到喺後端作為伺服器運作,真正咁將Javascript嘅可能性爆出黎。可以話,Nodejs推動咗ECMA International改良ECMAScript嘅動力,令到ECMAScript以至瀏覽器可以實作到嘅Javascript愈黎愈多元化;另一方面Nodejs亦令開發者發掘更多ECMAScript嘅可能性:PhantomJS、ElectronJS、UnrealJS等,都令人驚嘆Javascript到底可以去到幾遠。

開始學下ElectronJS。

至於第三個里程碑,可以話係同Nodejs相輔相成。2008年,本住將HTML 4.03時代雜亂無章嘅官方及自訂標籤重新制定及統一,以及令標籤變得更加易讀,HTML5嘅工作草案(Working Draft)開始被推上枱面。直到2014年,HTML5.0正式成為新一代HTML嘅推薦標準(Recommendation)。

當然,喺HTML5正式成為標準之前,各大瀏覽器已經開始實作當中嘅內容。當中就包括咗各式各樣嘅HTML 5 Javascript API
而家嘅上傳圖片功能就係用緊File API。

除咗File API,仲有諸如Local Storage、IndexedDB等嘅API,令到Javascript喺前端做到嘅嘢大大提升。再加上各式各樣嘅前端框架不斷推陳出新,令到呢個原本只係屬於瀏覽器直譯嘅語言變得多樣化。

後記:
睇返以前寫過嘅網頁真心覺得好...羞家?不過任何嘢都有個開頭嘅,至少睇返以前啲嘢係開心嘅。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

我所認知嘅Javascript進化史


呢篇係講我所見識到嘅Javascript進化史。唔會講佢嗰啲ECMAScript由1到7嘅進化史,而係我所認知嘅,網頁效果到而家近乎無所不能嘅Javascript。

講緊呢個嘢都有十年以上歷史...

時間回溯到第一次瀏覽器大戰嗰陣。代表微軟嘅瀏覽器Internet Explorer,同網景嘅Netscape Navigator正喺開始當時仲係「新世界」嘅互聯網市場爭緊一席之長短。當然,除咗瀏覽器之間嘅比拼,我哋呢班對互聯網感到濃厚興趣嘅學生哥亦都好積極開發網頁。為興趣,為學校,為朋友,我哋寫網頁,整討論區,寫留言板。
當時CSS仲未成熟,而Javascript (IE嘅叫JScript,係兩樣嘢黎,但本質都係ECMAScript)亦都因為瀏覽器競爭關係而無一個統一嘅標準。喺網頁上可以做到閃亮奪目效果嘅話就贏啦!於是,各款各樣嘅瀏覽器專用JS又或者HTML標籤就橫空出世。

當然,佢哋都唔再受到支援。

好多嘅HTML已經成為咗歷史嘅一部份。

不過當年的確有好多以而家嘅角度黎講覺得有啲不可思議嘅嘢,好似鼠標後跟住堆字、閃字、scroll bar轉色整幼之類。有啲之後變成咗CSS嘅標準,而有啲就變成咗歷史。會變成歷史唔係無原因架,當中有部份原因就係因為安全性。比如話以前好出名嘅Alert Bomb / Fork Bomb就係其中一個例子:利用alert()彈出時無辦法熄瀏覽器嘅狀況,用while loop無間斷地不斷彈alert box出黎,令你只能夠靠Ctrl + Alt + Del去強制熄咗個瀏覽器。當中再衍生出Popup window不斷彈出嘅版本......

要講嘅話實在有好多。不過以前嘅Javascript的確係以網頁特效為主,而唔會著重喺其他方面嘅要素度。我覺得,Javascript以至於ECMAScript而家廣泛到咁多人去學去寫,主要係有三個里程碑。

即使AJAX唔係jQuery本身嘅標準,無可否認AJAX係jQuery成為當時最受歡迎嘅原因。

第一個里程碑係jQuery嘅興起。喺jQuery - 時代嘅眼淚入面(又黎...),都有解釋過jQuery當時係賦予咗幾多方便俾網頁開發者:DOM嘅操作、AJAX功能等。尤其係AJAX功能,喺崇尚只重新載入部份資料嘅當時黎講,簡直係福音。當年Vanilla Javascript嘅AJAX call要設定一大堆嘢,而且亦難以理解;相對之下jQuery嘅$.ajax(),本身已經設定好諸如header等嘅基本設定,而你只需要將endpoint位置、資料、成功獲得回傳資料後做嘅動作整返好就搞掂。咁樣比較,當然jQuery更勝一籌。

不過jQuery只係顯示咗Javascript喺前端嘅可能性。真正將佢發揚光大嘅就係第二個里程碑。

圖片來源: freeCodeCamp

嘛,我相信呢個里程碑應該唔會有任何人有異議。Nodejs令到Javascript實現到喺後端作為伺服器運作,真正咁將Javascript嘅可能性爆出黎。可以話,Nodejs推動咗ECMA International改良ECMAScript嘅動力,令到ECMAScript以至瀏覽器可以實作到嘅Javascript愈黎愈多元化;另一方面Nodejs亦令開發者發掘更多ECMAScript嘅可能性:PhantomJS、ElectronJS、UnrealJS等,都令人驚嘆Javascript到底可以去到幾遠。

開始學下ElectronJS。

至於第三個里程碑,可以話係同Nodejs相輔相成。2008年,本住將HTML 4.03時代雜亂無章嘅官方及自訂標籤重新制定及統一,以及令標籤變得更加易讀,HTML5嘅工作草案(Working Draft)開始被推上枱面。直到2014年,HTML5.0正式成為新一代HTML嘅推薦標準(Recommendation)。

當然,喺HTML5正式成為標準之前,各大瀏覽器已經開始實作當中嘅內容。當中就包括咗各式各樣嘅HTML 5 Javascript API
而家嘅上傳圖片功能就係用緊File API。

除咗File API,仲有諸如Local Storage、IndexedDB等嘅API,令到Javascript喺前端做到嘅嘢大大提升。再加上各式各樣嘅前端框架不斷推陳出新,令到呢個原本只係屬於瀏覽器直譯嘅語言變得多樣化。

後記:
睇返以前寫過嘅網頁真心覺得好...羞家?不過任何嘢都有個開頭嘅,至少睇返以前啲嘢係開心嘅。