無法輕易被取代嘅傳統


部份大公司依然使用Classic ASP。

現代嘅工程師,不論前端後端,都會盡量應用新嘅技術去整新嘅程式,又或者係將舊嘅產品重新編寫。之前喺 jQuery - 時代嘅眼淚 度都有講過,GitHub已經完全放棄jQuery,改用Vanilla Javascript去達到想要嘅效果。不過,當你只係想由小專案開始將新嘅技術發揚光大,又唔係咁容易架。
上星期喺公司開咗兩晚OT。一晚係將設計部改動咗嘅嘢加返入去段jQuery度,留到差唔多九點就走;第二晚就將所有嘢全部砍掉重練,重新用VB寫返出黎,留到十一點先走。點解要砍掉重練?根據 jQuery嘅官方文件 ,AJAX Call(即係XMLHTTPRequest)已經俾W3C(全球資訊網協會,負責制定網頁標準)指定為只能夠使用UTF-8作為編碼標準,而唔能夠使用Big5等其他編碼。

The W3C XMLHttpRequest specification dictates that the charset is always UTF-8; specifying another charset will not force the browser to change the encoding.

jQuery官方文件

試咗無數個方法都解決不能後,我決定重新以VB編譯返啲HTML碼出黎。咁樣既能夠支援IE,亦唔駛再受UTF-8嘅枷鎖影響。

有時我哋難免會遇到一啲舊嘅專案,係無辦法靠小修小補黎將新技術注入,只能夠靠成個專案重新翻新。有朋友做嘢嘅公司有一個用Object Pascal黎寫嘅專案,據說多達五位數嘅行碼,就係一例。而家我哋講究前後端分離、甚至乎注重MVC模型,但係以前並唔會諗咁多。以前,ASP、PHP等都係將前後端嘅代碼併做一頁,將資料庫嘅邏輯都寫埋一齊,結果當然係做成好多安全漏洞。而家,PHP踏入第7個版本,注重物件導向程式編寫,亦有唔少諸如Laravel等嘅框架達成比MVC更清晰明暸嘅架構;而ASP都轉變為ASPX,支援C#同埋VBScript,亦都有MVC架構嘅框架出現。不過,你都係需要將成個專案重頭翻新先有機會用到呢啲嘢。

以Classic ASP黎講,Procedure(即Function及Sub,兩者分別為會唔會回傳數值)某程度上其實就係後端版嘅JS function call。用Sub黎編碼HTML碼,用Function黎回傳需要計算嘅數值,可以話係完美配合意大利粉碼嘅存在。以我呢排負責嘅專案黎講,再加上一個傳統嘅存在──編碼Big5。當舊技術環環相扣而無進行過任何更新改動,你想插針去改嘢都顯得極度艱難。

「許蓋功」係Big5編碼問題之一。

尤其係,我曾經用Nodejs幫上司寫咗個可以轉換Big5同UTF-8嘅編碼程式,用黎幫公司網頁uglify同minify JS。原理係將公司以Big5編碼嘅assets變換成UTF-8俾佢哋嘅Nodejs程式做到以上效果,然後再轉返做Big5放返上網頁。當我仲要做個咁嘅嘢嗰陣,我已經預見我喺公司嘅一日都未必會有任何大嘅技術轉換。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

無法輕易被取代嘅傳統


部份大公司依然使用Classic ASP。

現代嘅工程師,不論前端後端,都會盡量應用新嘅技術去整新嘅程式,又或者係將舊嘅產品重新編寫。之前喺 jQuery - 時代嘅眼淚 度都有講過,GitHub已經完全放棄jQuery,改用Vanilla Javascript去達到想要嘅效果。不過,當你只係想由小專案開始將新嘅技術發揚光大,又唔係咁容易架。
上星期喺公司開咗兩晚OT。一晚係將設計部改動咗嘅嘢加返入去段jQuery度,留到差唔多九點就走;第二晚就將所有嘢全部砍掉重練,重新用VB寫返出黎,留到十一點先走。點解要砍掉重練?根據 jQuery嘅官方文件 ,AJAX Call(即係XMLHTTPRequest)已經俾W3C(全球資訊網協會,負責制定網頁標準)指定為只能夠使用UTF-8作為編碼標準,而唔能夠使用Big5等其他編碼。

The W3C XMLHttpRequest specification dictates that the charset is always UTF-8; specifying another charset will not force the browser to change the encoding.

jQuery官方文件

試咗無數個方法都解決不能後,我決定重新以VB編譯返啲HTML碼出黎。咁樣既能夠支援IE,亦唔駛再受UTF-8嘅枷鎖影響。

有時我哋難免會遇到一啲舊嘅專案,係無辦法靠小修小補黎將新技術注入,只能夠靠成個專案重新翻新。有朋友做嘢嘅公司有一個用Object Pascal黎寫嘅專案,據說多達五位數嘅行碼,就係一例。而家我哋講究前後端分離、甚至乎注重MVC模型,但係以前並唔會諗咁多。以前,ASP、PHP等都係將前後端嘅代碼併做一頁,將資料庫嘅邏輯都寫埋一齊,結果當然係做成好多安全漏洞。而家,PHP踏入第7個版本,注重物件導向程式編寫,亦有唔少諸如Laravel等嘅框架達成比MVC更清晰明暸嘅架構;而ASP都轉變為ASPX,支援C#同埋VBScript,亦都有MVC架構嘅框架出現。不過,你都係需要將成個專案重頭翻新先有機會用到呢啲嘢。

以Classic ASP黎講,Procedure(即Function及Sub,兩者分別為會唔會回傳數值)某程度上其實就係後端版嘅JS function call。用Sub黎編碼HTML碼,用Function黎回傳需要計算嘅數值,可以話係完美配合意大利粉碼嘅存在。以我呢排負責嘅專案黎講,再加上一個傳統嘅存在──編碼Big5。當舊技術環環相扣而無進行過任何更新改動,你想插針去改嘢都顯得極度艱難。

「許蓋功」係Big5編碼問題之一。

尤其係,我曾經用Nodejs幫上司寫咗個可以轉換Big5同UTF-8嘅編碼程式,用黎幫公司網頁uglify同minify JS。原理係將公司以Big5編碼嘅assets變換成UTF-8俾佢哋嘅Nodejs程式做到以上效果,然後再轉返做Big5放返上網頁。當我仲要做個咁嘅嘢嗰陣,我已經預見我喺公司嘅一日都未必會有任何大嘅技術轉換。