萌團年度番評 - 《咕嚕咕嚕魔法陣》


近年無論動畫,漫畫,定係遊戲,都出現翻炒既風氣,例如《百變小櫻Magic卡》、《驚爆危機》等。今年我想講既動畫就係其中一套翻炒作品《咕嚕咕嚕魔法陣》


圖片取自「TVアニメ『魔法陣グルグル』公式サイト」


由衛藤浩幸老師既同名作品改編,今年第三度改編成動畫既《咕嚕咕嚕魔法陣》,其實係1994年及2000年都有被改編成動畫,但係由於原作漫畫一直到2003年先正式完結,所以第一第二次既動畫改編同原作故事有好大出入,甚至係1996年推出既劇場版都係基於第一次動畫而改編既故事,同原作無關。

雖然話就話係翻炒,但係今次同以往動畫版唔同既地方係,今次會將成套漫畫版劇情完整交代,而唔會再加插動畫版原創劇情。由於時代變遷既關係,而家既動畫都唔可能好似以前咁一出就36集以上,而如果以舊時既製作方式去處理《咕嚕咕嚕魔法陣》既話,成套動畫可能要播一年以上先完......因此,今次既動畫就選擇以半年番既形式放送,將重要既劇情留低,例如放棄旁白而使用文字進行吐槽、唔太重要既劇情就以RPG遊戲既行走模式輕輕帶過或以SP形式出場。


如果有睇過當年既動畫版既話,可能就會覺得18-24話既劇情飛得有啲快......尤其係土之王同風之王,劇組將土之王因為悶而將仁傑及一部份魔物困住係自製既遊戲個段轉成片尾及SP俾人睇完就算;風之王亦都變成極順攤地就咁將風既力量賜俾仁傑。由於我有睇晒舊版動畫及漫畫全套,俾我既感覺就係到喉唔到肺同埋好懷念個堆旁白,而我相信同樣有聽過香港版配音既人都會有同感。


當然,對於無睇過漫畫既各位萌粉黎講呢套動畫應該係最理想直接知道故事真正結局係點既一套動畫。將原作故事無添加地放入去,補完埋《咕嚕咕嚕魔法陣 心跳傳說》係魔境阿拉罕畢卡之後既故事,仁傑又拎埋土水風之劍,歌莉對仁傑既戀愛心路歷程亦都有好好咁描繪返出黎,令觀眾見證住歌莉既最強咕嚕咕嚕「戀愛之心」既誕生......如果係呢套動畫既忠實擁躉既話應該已經心滿意足。


係最終話既最後,亦都套用左漫畫二期開頭「魔王紀力封印後,世界回復和平......僅僅兩星期,世界又籠罩係新魔王既黑暗之下!」呢種二周目攻略法,到底係出續篇既預告?定係同舊時動畫版一樣既完場方式?私心黎講,希望佢再畫落去......

------ 以下私心並不會放上萌團年度評 ------


最後個集用戀愛之心個下播返「Wind Climbing ~風にあそばれて~」,成件事好感動。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

萌團年度番評 - 《咕嚕咕嚕魔法陣》


近年無論動畫,漫畫,定係遊戲,都出現翻炒既風氣,例如《百變小櫻Magic卡》、《驚爆危機》等。今年我想講既動畫就係其中一套翻炒作品《咕嚕咕嚕魔法陣》


圖片取自「TVアニメ『魔法陣グルグル』公式サイト」


由衛藤浩幸老師既同名作品改編,今年第三度改編成動畫既《咕嚕咕嚕魔法陣》,其實係1994年及2000年都有被改編成動畫,但係由於原作漫畫一直到2003年先正式完結,所以第一第二次既動畫改編同原作故事有好大出入,甚至係1996年推出既劇場版都係基於第一次動畫而改編既故事,同原作無關。

雖然話就話係翻炒,但係今次同以往動畫版唔同既地方係,今次會將成套漫畫版劇情完整交代,而唔會再加插動畫版原創劇情。由於時代變遷既關係,而家既動畫都唔可能好似以前咁一出就36集以上,而如果以舊時既製作方式去處理《咕嚕咕嚕魔法陣》既話,成套動畫可能要播一年以上先完......因此,今次既動畫就選擇以半年番既形式放送,將重要既劇情留低,例如放棄旁白而使用文字進行吐槽、唔太重要既劇情就以RPG遊戲既行走模式輕輕帶過或以SP形式出場。


如果有睇過當年既動畫版既話,可能就會覺得18-24話既劇情飛得有啲快......尤其係土之王同風之王,劇組將土之王因為悶而將仁傑及一部份魔物困住係自製既遊戲個段轉成片尾及SP俾人睇完就算;風之王亦都變成極順攤地就咁將風既力量賜俾仁傑。由於我有睇晒舊版動畫及漫畫全套,俾我既感覺就係到喉唔到肺同埋好懷念個堆旁白,而我相信同樣有聽過香港版配音既人都會有同感。


當然,對於無睇過漫畫既各位萌粉黎講呢套動畫應該係最理想直接知道故事真正結局係點既一套動畫。將原作故事無添加地放入去,補完埋《咕嚕咕嚕魔法陣 心跳傳說》係魔境阿拉罕畢卡之後既故事,仁傑又拎埋土水風之劍,歌莉對仁傑既戀愛心路歷程亦都有好好咁描繪返出黎,令觀眾見證住歌莉既最強咕嚕咕嚕「戀愛之心」既誕生......如果係呢套動畫既忠實擁躉既話應該已經心滿意足。


係最終話既最後,亦都套用左漫畫二期開頭「魔王紀力封印後,世界回復和平......僅僅兩星期,世界又籠罩係新魔王既黑暗之下!」呢種二周目攻略法,到底係出續篇既預告?定係同舊時動畫版一樣既完場方式?私心黎講,希望佢再畫落去......

------ 以下私心並不會放上萌團年度評 ------


最後個集用戀愛之心個下播返「Wind Climbing ~風にあそばれて~」,成件事好感動。