你爸如果知道你編程編到咁俹簁一定會釘你喺牆度


俹簁嘅定義。

其實今次唔係想講戲,而係講下寫程式本身。
有啲程式碼本身設計出黎嗰陣,可能未顧及到未來寫程式嘅效能、維護等。好似PHP,如果大家有睇過以前啲PHP碼嘅話,大概會覺得「哇,亂到咁?咩黎架?」。即使而家大家開始討論MVC架構、將PHP OOP化等,但其實依然有唔少人因為方便或者只係寫好簡單嘅嘢而將MVC寫埋喺同一頁入面。

另一方面,即使套語言本身已經係用緊OOP形式,又或者你好努力咁想像MVC架構做出黎,但係你都有可能會寫一啲dirty code出黎:一個function拆開兩個function但係做嘅嘢一樣、唔一致嘅變數命名等。前者都可以話係你諗嘢未考慮到之後要寫嘅嘢,後者我大概會覺得你有反社會人格。

唔識吐槽...

對於管理者黎講,你要維護兩三種唔同嘅語言可能係一件好麻煩嘅事。比如話,你絕對唔會想自己手下嘅人呢個寫吓C#,嗰個寫吓Nodejs,另一個又寫吓GoLang咁。點解唔咁樣做?如果你手下嘅人走咗,無人識維護你曾經做出黎嘅蓋世作品咁點算?唔通重新寫過個新嘅咩。不過好笑地,往往有唔少人都唔覺得寫dirty code係大問題過維護複數嘅語言。同樣都係為咗唔想後面接手嘅人maintain到講粗口,似乎管理層都覺得你份糧係包埋喺deadline前食晒啲污糟嘢入口。另一方面,呢頭你話完上一手寫code俹簁,下一秒你就做近乎同樣嘅嘢。原因可以係deadline好近做唔切optimize,甚至連comment都落唔切;又或者你根本唔覺得自己寫嘅就係dirty code

請記住,如果你寫好咗一個程式,短時間內襯自己仲記憶猶新,嘗試回頭望下自己做過啲乜。時間過得太長嘅話,話唔定你要重新維護自己堆嘢嘅時候可能連自己做緊乜都無印象,結果最慘可能係重新寫過晒。

己所不欲記住就勿施於人呀。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

你爸如果知道你編程編到咁俹簁一定會釘你喺牆度


俹簁嘅定義。

其實今次唔係想講戲,而係講下寫程式本身。
有啲程式碼本身設計出黎嗰陣,可能未顧及到未來寫程式嘅效能、維護等。好似PHP,如果大家有睇過以前啲PHP碼嘅話,大概會覺得「哇,亂到咁?咩黎架?」。即使而家大家開始討論MVC架構、將PHP OOP化等,但其實依然有唔少人因為方便或者只係寫好簡單嘅嘢而將MVC寫埋喺同一頁入面。

另一方面,即使套語言本身已經係用緊OOP形式,又或者你好努力咁想像MVC架構做出黎,但係你都有可能會寫一啲dirty code出黎:一個function拆開兩個function但係做嘅嘢一樣、唔一致嘅變數命名等。前者都可以話係你諗嘢未考慮到之後要寫嘅嘢,後者我大概會覺得你有反社會人格。

唔識吐槽...

對於管理者黎講,你要維護兩三種唔同嘅語言可能係一件好麻煩嘅事。比如話,你絕對唔會想自己手下嘅人呢個寫吓C#,嗰個寫吓Nodejs,另一個又寫吓GoLang咁。點解唔咁樣做?如果你手下嘅人走咗,無人識維護你曾經做出黎嘅蓋世作品咁點算?唔通重新寫過個新嘅咩。不過好笑地,往往有唔少人都唔覺得寫dirty code係大問題過維護複數嘅語言。同樣都係為咗唔想後面接手嘅人maintain到講粗口,似乎管理層都覺得你份糧係包埋喺deadline前食晒啲污糟嘢入口。另一方面,呢頭你話完上一手寫code俹簁,下一秒你就做近乎同樣嘅嘢。原因可以係deadline好近做唔切optimize,甚至連comment都落唔切;又或者你根本唔覺得自己寫嘅就係dirty code

請記住,如果你寫好咗一個程式,短時間內襯自己仲記憶猶新,嘗試回頭望下自己做過啲乜。時間過得太長嘅話,話唔定你要重新維護自己堆嘢嘅時候可能連自己做緊乜都無印象,結果最慘可能係重新寫過晒。

己所不欲記住就勿施於人呀。