Open Source嘅迷思



早排喺Backend TW社群度睇到有人分享呢篇Vue.js之父尤雨溪嘅回覆。一開始好簡短一句「憑咩我要犧牲陪老婆仔女嘅時間黎為你哋慳返學英文嘅時間?」,然後再補充幾點佢自己嘅睇法,包括佢對一啲予取予求嘅人嘅不屑。

咩叫予取予求?就好似字面上嘅意思咁。比如話你依賴某個open source library去寫你嘅程式,但係某啲位無辦法齋靠個library去做到個效果。有部份人會選擇自己去寫啲patch黎達到個效果,甚至會開喺個library repository度開PR (Pull Request。GitHub用語,即合拼請求。GitLab用語為Merge Request。);但另一部份嘅人連實踐都唔做,就開issue同開發者講「我想要咁咁咁呀,可唔可以喺個library度整出黎?」。而今次share出黎嘅例子就更加誇張,睇唔明英文所以叫人做好啲翻譯文檔。學尤雨溪話齋,點解我要浪費時間喺你哋呢班不學無術又予取予求嘅人身上先?
對於我黎講,一套開源軟件好適合你用,你都會付出相應嘅時間去讀晒佢啲文檔,實際運行軟件一次,甚至去稍為修改一下去令到個軟件符合你嘅使用環境。同樣地,你覺得有個開源框架好啱用,但係因為佢文檔係英文所以你睇唔明,你應該做嘅係付出時間去了解佢講乜,問其他網絡上嘅開發者又好查字典又好實作又好,而唔係去出issue做伸手黨。著名PHP框架Laravel都無官方中文文檔架,但係華語區就有Laravel China (中國)同Laravel Dojo (台灣)兩個網站去為佢哋做中文化。點解?有需求囉。

由18:53開始睇。

拎返Vue.js黎講。你話Vue.js無中文文檔咩?唔係呀,單純係滯後啫。開源專案嘅其中一個問題係,全職開發嘅人手永遠都唔夠。我做文檔翻譯,首先我要識嗰樣語言,其次就係人力資源問題。你期待開源專案做翻譯,倒不如你自己翻譯完開PR好過啦,又可以貢獻社群嘅同時你對個專案又更加深嘅認識,一舉兩得。

Laravel Dojo文檔翻譯嘅GitHub位置。

喺伸手問人拎嘢之前,記得問下自己有無做過啲乜係值得人哋為你服務。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

Open Source嘅迷思



早排喺Backend TW社群度睇到有人分享呢篇Vue.js之父尤雨溪嘅回覆。一開始好簡短一句「憑咩我要犧牲陪老婆仔女嘅時間黎為你哋慳返學英文嘅時間?」,然後再補充幾點佢自己嘅睇法,包括佢對一啲予取予求嘅人嘅不屑。

咩叫予取予求?就好似字面上嘅意思咁。比如話你依賴某個open source library去寫你嘅程式,但係某啲位無辦法齋靠個library去做到個效果。有部份人會選擇自己去寫啲patch黎達到個效果,甚至會開喺個library repository度開PR (Pull Request。GitHub用語,即合拼請求。GitLab用語為Merge Request。);但另一部份嘅人連實踐都唔做,就開issue同開發者講「我想要咁咁咁呀,可唔可以喺個library度整出黎?」。而今次share出黎嘅例子就更加誇張,睇唔明英文所以叫人做好啲翻譯文檔。學尤雨溪話齋,點解我要浪費時間喺你哋呢班不學無術又予取予求嘅人身上先?
對於我黎講,一套開源軟件好適合你用,你都會付出相應嘅時間去讀晒佢啲文檔,實際運行軟件一次,甚至去稍為修改一下去令到個軟件符合你嘅使用環境。同樣地,你覺得有個開源框架好啱用,但係因為佢文檔係英文所以你睇唔明,你應該做嘅係付出時間去了解佢講乜,問其他網絡上嘅開發者又好查字典又好實作又好,而唔係去出issue做伸手黨。著名PHP框架Laravel都無官方中文文檔架,但係華語區就有Laravel China (中國)同Laravel Dojo (台灣)兩個網站去為佢哋做中文化。點解?有需求囉。

由18:53開始睇。

拎返Vue.js黎講。你話Vue.js無中文文檔咩?唔係呀,單純係滯後啫。開源專案嘅其中一個問題係,全職開發嘅人手永遠都唔夠。我做文檔翻譯,首先我要識嗰樣語言,其次就係人力資源問題。你期待開源專案做翻譯,倒不如你自己翻譯完開PR好過啦,又可以貢獻社群嘅同時你對個專案又更加深嘅認識,一舉兩得。

Laravel Dojo文檔翻譯嘅GitHub位置。

喺伸手問人拎嘢之前,記得問下自己有無做過啲乜係值得人哋為你服務。