「夢」という夢。


Pixiv ID: 31415285
望住自己個網站逐步逐步咁整返出黎,其實係開心嘅。同當年純粹用PHP唔同,而家嘅我都長進咗唔少,開始用framework,整上傳圖片,重新整過content editable嘅WYSIWYG介面等等,都令自己覺得「原來自己都有進步,雖然唔快亦都唔多,但確實係度進步緊」嘅感覺。

但係另一方面,其實自己係知道自己無才能。身邊唔少朋友作為IT人其實好過我好多,畢竟我自己其實無乜諗頭,亦都係偏向固步自封個類。就算唔想承認都好,呢個某程度上就係事實。算唔算妄自菲薄?你期待一個本身係自卑底嘅人點答你?

高層M尋日同我講高層F身體唔好,醫院檢查完發現心臟肥大。即使好似自己咁對生死已經無乜太大感覺嘅人都係會覺得難受。因為我係不孝子?定因為明白到高層F身為木工本身工作性質就係辛苦?抑或係發現佢知道消息後嘅頹然感?我唔知道。即使自己扮到毫不在意,但始終佢都係血親,都係會心痛。而我亦都明白如果我再唔衝,大概唔會再有機會,因為家庭已經唔俾自己再任性落去。

我到底應唔應該放棄追尋夢想做返一個現實為兩餐而逢迎老闆嘅人?

Powered by Half-moon Production.

Copyright © 2011-2020 by 泣雨家的雜物房. Version 1.5.2.

「夢」という夢。


Pixiv ID: 31415285
望住自己個網站逐步逐步咁整返出黎,其實係開心嘅。同當年純粹用PHP唔同,而家嘅我都長進咗唔少,開始用framework,整上傳圖片,重新整過content editable嘅WYSIWYG介面等等,都令自己覺得「原來自己都有進步,雖然唔快亦都唔多,但確實係度進步緊」嘅感覺。

但係另一方面,其實自己係知道自己無才能。身邊唔少朋友作為IT人其實好過我好多,畢竟我自己其實無乜諗頭,亦都係偏向固步自封個類。就算唔想承認都好,呢個某程度上就係事實。算唔算妄自菲薄?你期待一個本身係自卑底嘅人點答你?

高層M尋日同我講高層F身體唔好,醫院檢查完發現心臟肥大。即使好似自己咁對生死已經無乜太大感覺嘅人都係會覺得難受。因為我係不孝子?定因為明白到高層F身為木工本身工作性質就係辛苦?抑或係發現佢知道消息後嘅頹然感?我唔知道。即使自己扮到毫不在意,但始終佢都係血親,都係會心痛。而我亦都明白如果我再唔衝,大概唔會再有機會,因為家庭已經唔俾自己再任性落去。

我到底應唔應該放棄追尋夢想做返一個現實為兩餐而逢迎老闆嘅人?