舊番介紹 - 《Chobits》


《Detroit: Become Human》係近期最熱門嘅遊戲。

唔知近來有無萌粉玩PS4嘅《Detroit: Become Human》?呢隻遊戲係以美國底特律作為背景,講述未來嘅機械人外形已經發展到同人類一模一樣, 唯一嘅分別在於機械人嘅右額會有LED燈顯示機械人嘅軟件狀態。遊戲入面嘅機械人被稱為「仿生人(Android)」。

芙蕾雅同艾露達。

不過今日我唔係為咗講呢款遊戲㗎,而係想講返一套CLAMP幾出名嘅作品《Chobits》(ちょびっツ,中譯《人型電腦天使心》)。故事背景係日本,人型電腦已經普及並成為人類生活中唔可以缺少嘅一部份。圍繞住平凡嘅工讀生男主角 本須和秀樹 及無晒過去記憶嘅人型電腦女主角 芝 ,所帶出嘅問題係「人型電腦可唔可以獲得人類嘅愛」。

機械人三大原則。

點解唔叫做機械人?漫畫最後嗰集就講話「唔想俾機械人嘅三個原則所束縛」。雖然無明確咁講係邊三條,但係如果根據維基百科所講,機械人三個原則應該係以下三點(頭盔:認知有限,有錯請指正):

1. 機械人不得傷害人類,或坐視人類受到傷害。
2. 除非違背第一法則,否則機械人必須服從人類命令。
3. 除非違背第一或第二法則,否則機械人必須保護自己。

呢三條原則應該係確保人類嘅優越性,以避免喺機械人科技完全融入人類生活嘅同時,威脅人類嘅存在。不過,《Chobits》嘗試打破呢三點,想賦予人型電腦更多,甚至係同人類同等嘅關係。因此,電腦可以愛人,可以被人愛,甚至同其他電腦互生情愫。

呢套作品最後以good end收場:男主角接受女主角嘅「障礙」,一齊生活落去。不過,呢個作品只係單單講述「一人一機」嘅生活,甚至乎成個情境套用為《D:BH》嘅完美結局之後嘅狀況亦不為過。人類逐漸依賴機械人、人工智能嘅同時,又驚呢啲好幫手會反撲返人類轉頭。到底會唔會真係有對等嘅一日,只能夠拭目以待。


Powered by Half-moon Production.

Copyright © 2011-2020 by 泣雨家的雜物房. Version 1.5.2.

舊番介紹 - 《Chobits》


《Detroit: Become Human》係近期最熱門嘅遊戲。

唔知近來有無萌粉玩PS4嘅《Detroit: Become Human》?呢隻遊戲係以美國底特律作為背景,講述未來嘅機械人外形已經發展到同人類一模一樣, 唯一嘅分別在於機械人嘅右額會有LED燈顯示機械人嘅軟件狀態。遊戲入面嘅機械人被稱為「仿生人(Android)」。

芙蕾雅同艾露達。

不過今日我唔係為咗講呢款遊戲㗎,而係想講返一套CLAMP幾出名嘅作品《Chobits》(ちょびっツ,中譯《人型電腦天使心》)。故事背景係日本,人型電腦已經普及並成為人類生活中唔可以缺少嘅一部份。圍繞住平凡嘅工讀生男主角 本須和秀樹 及無晒過去記憶嘅人型電腦女主角 芝 ,所帶出嘅問題係「人型電腦可唔可以獲得人類嘅愛」。

機械人三大原則。

點解唔叫做機械人?漫畫最後嗰集就講話「唔想俾機械人嘅三個原則所束縛」。雖然無明確咁講係邊三條,但係如果根據維基百科所講,機械人三個原則應該係以下三點(頭盔:認知有限,有錯請指正):

1. 機械人不得傷害人類,或坐視人類受到傷害。
2. 除非違背第一法則,否則機械人必須服從人類命令。
3. 除非違背第一或第二法則,否則機械人必須保護自己。

呢三條原則應該係確保人類嘅優越性,以避免喺機械人科技完全融入人類生活嘅同時,威脅人類嘅存在。不過,《Chobits》嘗試打破呢三點,想賦予人型電腦更多,甚至係同人類同等嘅關係。因此,電腦可以愛人,可以被人愛,甚至同其他電腦互生情愫。

呢套作品最後以good end收場:男主角接受女主角嘅「障礙」,一齊生活落去。不過,呢個作品只係單單講述「一人一機」嘅生活,甚至乎成個情境套用為《D:BH》嘅完美結局之後嘅狀況亦不為過。人類逐漸依賴機械人、人工智能嘅同時,又驚呢啲好幫手會反撲返人類轉頭。到底會唔會真係有對等嘅一日,只能夠拭目以待。