久違嘅開筆


Keep writing. Try to keep up my first aim of create the blog.

其實我都估唔到隔咗咁耐無寫嘢。當然,我有千千萬萬個理由...其實係藉口去唔寫。不過以自己嘅性格黎講,終歸都係因為一個懶字。如果唔係啟蒙老師喺FB催促我一定要寫,大概自己根本就未有心情去寫返嘢。
上年發生咗好多嘢,亦都係自己唔寫嘢嘅原因之一。望住呢場由六月開始到而家嘅社會運動,睇到成個社會嘅反應同應對,就覺得絕望。而家回想,其實大概就只係我唔夠堅定吧?

其實唔夠堅定嘅唔只係呢樣嘢。上年不甘留於一間打份退休工嘅公司,經朋友介紹去見咗一間大公司兩個post都衰咗;再經另一個朋友去見佢公司,亦因為front-end經驗不足而無請到我。2019年,我感覺到自己已經開始灰心。想安於本份去接受自己只能夠打呢份工過世,唔想再俾自己任何嘅幻想。

我違背咗自己嘅初衷。

寵物小精靈樂園。

今日睇返2001年自己拙劣嘅網頁作品。望到一堆稚嫩嘅source code,一堆好好笑嘅alert message,然後突然諗起「點解我會開始寫網頁?」。明明中三轉校之後我都已經無掂過programming,明明自己喺高中同預科都選擇咗理科,點解到最後讀副學士嗰陣會選擇咗Information Technology?大概,我真係好鍾意呢樣嘢。

當然,今日寫呢篇唔係為咗矯情。雖然而家已經初七人日,但係都恭祝大家新年快樂,身體健康。武漢肺炎肆虐嘅今日,已經突顯出好多嘢唔係單純嘅「政治問題政治解決」,而係即使你想抗疫政府都未必會幫你,甚至將你應得嘅資源上繳中央。我寫呢篇就係為咗向自己立志,毋忘當初整blog嘅初衷。除咗將學過嘅嘢記低之外,亦會將呢個地方嘅人事物,自己喺呢個地方嘅紀錄都會盡量寫返上黎。

最後,其實我而家三不五時就會更新返blog嘅code。希望Q2前可以上到2.0版。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

久違嘅開筆


Keep writing. Try to keep up my first aim of create the blog.

其實我都估唔到隔咗咁耐無寫嘢。當然,我有千千萬萬個理由...其實係藉口去唔寫。不過以自己嘅性格黎講,終歸都係因為一個懶字。如果唔係啟蒙老師喺FB催促我一定要寫,大概自己根本就未有心情去寫返嘢。
上年發生咗好多嘢,亦都係自己唔寫嘢嘅原因之一。望住呢場由六月開始到而家嘅社會運動,睇到成個社會嘅反應同應對,就覺得絕望。而家回想,其實大概就只係我唔夠堅定吧?

其實唔夠堅定嘅唔只係呢樣嘢。上年不甘留於一間打份退休工嘅公司,經朋友介紹去見咗一間大公司兩個post都衰咗;再經另一個朋友去見佢公司,亦因為front-end經驗不足而無請到我。2019年,我感覺到自己已經開始灰心。想安於本份去接受自己只能夠打呢份工過世,唔想再俾自己任何嘅幻想。

我違背咗自己嘅初衷。

寵物小精靈樂園。

今日睇返2001年自己拙劣嘅網頁作品。望到一堆稚嫩嘅source code,一堆好好笑嘅alert message,然後突然諗起「點解我會開始寫網頁?」。明明中三轉校之後我都已經無掂過programming,明明自己喺高中同預科都選擇咗理科,點解到最後讀副學士嗰陣會選擇咗Information Technology?大概,我真係好鍾意呢樣嘢。

當然,今日寫呢篇唔係為咗矯情。雖然而家已經初七人日,但係都恭祝大家新年快樂,身體健康。武漢肺炎肆虐嘅今日,已經突顯出好多嘢唔係單純嘅「政治問題政治解決」,而係即使你想抗疫政府都未必會幫你,甚至將你應得嘅資源上繳中央。我寫呢篇就係為咗向自己立志,毋忘當初整blog嘅初衷。除咗將學過嘅嘢記低之外,亦會將呢個地方嘅人事物,自己喺呢個地方嘅紀錄都會盡量寫返上黎。

最後,其實我而家三不五時就會更新返blog嘅code。希望Q2前可以上到2.0版。