缺乏自信嘅自己


尋日同神婆見左一次面。占左卜,然後答案同自己預想嘅差唔多。嘛,明白歸明白,有時候心態嘅嘢總無可能一時三刻話改變就改變。或者我只係需要一個人去推自己一把,因為自己嘅懶惰又好,自卑都好,都係度拖緊自己後腿。
問咗兩題,兩題都係正牌。

山醬嘅健康同我心中所想嘅一樣,都係認為係情緒導致身體出現問題。雖然明白,但望到佢痛苦嘅樣總會覺得內疚,會認為係自己造成嘅同時,亦會覺得係自己做得唔夠好。早幾日山醬話我脾氣差咗,或者係因為自己太緊張所致......我而家能夠做嘅大概就係放鬆自己嘅心情吧?如果自己都動搖嘅話,點樣去令佢對自己有信心?

至於第二個問題係關於自己嘅人際。其實我自己都知,自己都無做過啲乜嘢奇怪嘅事又點會招人討厭?但係奈何自己就係呢種自卑嘅性格。收收埋埋自己好多嘅嘢,包括情感或者麻煩事,明知單靠自己解決唔到但又唔同人講,成日因為咁而導致好多大嘅問題出黎。有時亦會覺得自己為咗識新嘅朋友而太過進取,注意到嘅時候就會即刻縮埋一二舊兼自卑發作,覺得人哋會唔鍾意自己咁樣。神婆話我應該多啲表現返自己出黎,太過在意人哋嘅諗法就會失去自我......其實我明,就連山醬都話我應該唔好再咁束縛住自己,「已經唔係以前啦」。

嘛,係開心嘅,雖然同神婆講我好想同VJGamer啲朋友熟絡係有啲老尷......

Powered by Half-moon Production.

Copyright © 2011-2020 by 泣雨家的雜物房. Version 1.5.2.

缺乏自信嘅自己


尋日同神婆見左一次面。占左卜,然後答案同自己預想嘅差唔多。嘛,明白歸明白,有時候心態嘅嘢總無可能一時三刻話改變就改變。或者我只係需要一個人去推自己一把,因為自己嘅懶惰又好,自卑都好,都係度拖緊自己後腿。
問咗兩題,兩題都係正牌。

山醬嘅健康同我心中所想嘅一樣,都係認為係情緒導致身體出現問題。雖然明白,但望到佢痛苦嘅樣總會覺得內疚,會認為係自己造成嘅同時,亦會覺得係自己做得唔夠好。早幾日山醬話我脾氣差咗,或者係因為自己太緊張所致......我而家能夠做嘅大概就係放鬆自己嘅心情吧?如果自己都動搖嘅話,點樣去令佢對自己有信心?

至於第二個問題係關於自己嘅人際。其實我自己都知,自己都無做過啲乜嘢奇怪嘅事又點會招人討厭?但係奈何自己就係呢種自卑嘅性格。收收埋埋自己好多嘅嘢,包括情感或者麻煩事,明知單靠自己解決唔到但又唔同人講,成日因為咁而導致好多大嘅問題出黎。有時亦會覺得自己為咗識新嘅朋友而太過進取,注意到嘅時候就會即刻縮埋一二舊兼自卑發作,覺得人哋會唔鍾意自己咁樣。神婆話我應該多啲表現返自己出黎,太過在意人哋嘅諗法就會失去自我......其實我明,就連山醬都話我應該唔好再咁束縛住自己,「已經唔係以前啦」。

嘛,係開心嘅,雖然同神婆講我好想同VJGamer啲朋友熟絡係有啲老尷......