《驚爆危機》角色短評 - 相良宗介


「沒問題,只有男人的空間太好了。」
朋友喺FB出咗一篇「做男人當如比達」,我亦都相信家傳戶曉既比達都係唔少中佬覺得貼地既人物。對於自細已經浸淫喺動畫上既自己黎講,去到而家既年紀當然都覺得比達發出既光芒好吸引。不過我心目中排第一既真男人並唔係佢,而係另有其人。

唔知有幾多人開始睇輕小說?我一開始接觸既兩本輕小說,一本叫《刀劍神域》(ソードアート・オンライン),另一本就叫做《驚爆危機》(フルメタル・パニック!)。而我所憧憬既角色就係《驚爆》入面既男主角相良宗介。先介紹下呢個奇妙既角色......由細到大都好似野狗咁係戰場環境長大,令佢缺乏喺和平既國度生活既常識:用C4炸爛學校儲物櫃、喺學校唔同地方放置地雷、用真槍玩機舖既射擊遊戲等。不過,一個毫無常識可言既傭兵竟然被命令要保護一間高中既學生,爆發出無數既笑話。

如果以一般人既角度黎睇,或者會覺得「呢個男主角就係一個笑料」,畢竟因為自己既毫無常識而經常出醜,亦成日搞到女主角日日夜夜都吐槽佢。在於我而言,我反而覺得宗介就係一個真男人。對任何事都異常認真,不苟言笑,甚至係一開初秘銀選拔傭兵嗰陣俾上司討厭,覺得「呢個細路唔令人討好」;但正因為呢種性格,佢先係一個值得信賴,可以將自己生命交託俾佢既好隊友。另外,一個一心一意去守護自己心愛女人既男人,為咗保護佢出盡洋相,甚至可以向上司以至成個組織抬槓,又或者隻身一人去對抗敵對組織,就只係為咗將心愛既女人救返黎。咁樣既男人唔通唔耀眼咩?

個人會咁鍾意宗介既原因係佢唔似其他男角色咁,配上一堆中二既對白,講啲完全唔符合年齡以及背景既野。佢曾經對女主角講既一句「在獵物面前舔舌頭,是三流獵人的行為」正正說明咗佢既辦事方式:俐落、灑脫、唔留手尾。當然,伴隨住同女主角一齊生活既情況下,開始慢慢見到宗介既變化。九龍一直喺度強調以前既「卡西姆」(即係宗介)係幾咁純粹,而家就好似混入咗雜質一樣,喺香港篇嗰陣甚至指佢淪為尤如喪家狗既存在,連俾九龍殺既資格都無。我倒覺得正因為多咗佢口中既「雜質」先令宗介更似一個人,甚至乎係一個男人。唔係話毫無雜念既人唔好,好似《龍珠》入面既悟空曾經都係我地所憧憬既角色;但係當人逐漸咁成長嗰陣就會發現無乜人可以專心致志咁做好一件事而可以唔理世俗既眼光,所以大家先開始鍾意依然追求目標但會考慮家庭既比達──因為佢先似係一個活生生既男人。

最後,如果有興趣睇《驚爆》既動畫版的話,歡迎你地由一開始睇起。由無印到校園篇、The Second Raid,然後就到準備播出既Invisible Victory。如果唔係既話隨時會有睇唔明既劇情架。

Powered by Half-moon Production.

Copyright © 2011-2020 by 泣雨家的雜物房. Version 1.5.2.

《驚爆危機》角色短評 - 相良宗介


「沒問題,只有男人的空間太好了。」
朋友喺FB出咗一篇「做男人當如比達」,我亦都相信家傳戶曉既比達都係唔少中佬覺得貼地既人物。對於自細已經浸淫喺動畫上既自己黎講,去到而家既年紀當然都覺得比達發出既光芒好吸引。不過我心目中排第一既真男人並唔係佢,而係另有其人。

唔知有幾多人開始睇輕小說?我一開始接觸既兩本輕小說,一本叫《刀劍神域》(ソードアート・オンライン),另一本就叫做《驚爆危機》(フルメタル・パニック!)。而我所憧憬既角色就係《驚爆》入面既男主角相良宗介。先介紹下呢個奇妙既角色......由細到大都好似野狗咁係戰場環境長大,令佢缺乏喺和平既國度生活既常識:用C4炸爛學校儲物櫃、喺學校唔同地方放置地雷、用真槍玩機舖既射擊遊戲等。不過,一個毫無常識可言既傭兵竟然被命令要保護一間高中既學生,爆發出無數既笑話。

如果以一般人既角度黎睇,或者會覺得「呢個男主角就係一個笑料」,畢竟因為自己既毫無常識而經常出醜,亦成日搞到女主角日日夜夜都吐槽佢。在於我而言,我反而覺得宗介就係一個真男人。對任何事都異常認真,不苟言笑,甚至係一開初秘銀選拔傭兵嗰陣俾上司討厭,覺得「呢個細路唔令人討好」;但正因為呢種性格,佢先係一個值得信賴,可以將自己生命交託俾佢既好隊友。另外,一個一心一意去守護自己心愛女人既男人,為咗保護佢出盡洋相,甚至可以向上司以至成個組織抬槓,又或者隻身一人去對抗敵對組織,就只係為咗將心愛既女人救返黎。咁樣既男人唔通唔耀眼咩?

個人會咁鍾意宗介既原因係佢唔似其他男角色咁,配上一堆中二既對白,講啲完全唔符合年齡以及背景既野。佢曾經對女主角講既一句「在獵物面前舔舌頭,是三流獵人的行為」正正說明咗佢既辦事方式:俐落、灑脫、唔留手尾。當然,伴隨住同女主角一齊生活既情況下,開始慢慢見到宗介既變化。九龍一直喺度強調以前既「卡西姆」(即係宗介)係幾咁純粹,而家就好似混入咗雜質一樣,喺香港篇嗰陣甚至指佢淪為尤如喪家狗既存在,連俾九龍殺既資格都無。我倒覺得正因為多咗佢口中既「雜質」先令宗介更似一個人,甚至乎係一個男人。唔係話毫無雜念既人唔好,好似《龍珠》入面既悟空曾經都係我地所憧憬既角色;但係當人逐漸咁成長嗰陣就會發現無乜人可以專心致志咁做好一件事而可以唔理世俗既眼光,所以大家先開始鍾意依然追求目標但會考慮家庭既比達──因為佢先似係一個活生生既男人。

最後,如果有興趣睇《驚爆》既動畫版的話,歡迎你地由一開始睇起。由無印到校園篇、The Second Raid,然後就到準備播出既Invisible Victory。如果唔係既話隨時會有睇唔明既劇情架。