無錯，我當然係更新左一啲野先會出一張試野圖。

講起上黎，我呢幾日又開始發神經咁不斷更新個網誌......不論係寫文章定係更新個系統。寫左幾篇關於Facebook API既野(仲要係超簡單......而且無三係應該不成幾)，亦新加左一啲功能上個系統度，例如Embedding、Comment Box、Image Caption等。

前面都好好理解，但Image Caption...？呃，因為我其實之前寫親圖片底下堆文字caption都係轉斜體再打字再轉返走斜體再打enter先落下一段，感覺好煩就加個位俾我入caption。

然後唔驚唔覺，發現自己用緊堆野其實已經唔update，例如Bootstrap 3.3.7(而家已經係 4 Beta)。有諗過升唔升，但試過src左個4落去，啲野雖然無走位但係闊晒，要重新度過晒啲位都需要一段時間。予其搞啲麻煩野倒不如加埋啲我想加既功能落去先。

而家已經好想落手搞Facebook oEmbed啲野，但......現充無得毒自寫code。 (被毆死)